Hlauparar
kærleikans

Minningarsjóður Bryndísar Klöru starfar með Riddurum kærleikans.

Forseti Íslands, Halla Tómasdóttir hafði frumkvæði að halda svokallaðan kærleikshring á Bessastöðum með það að markmiði að efla kærleik í samfélaginu og hlúa betur að börnum sem búa við ofbeldi. Riddarar kærleikans voru settir á laggirnar í kjölfarið en um er ræða hreyfingu fólks sem hefur það að markmiði að virkja kærleikann í samfélaginu, minnka ofbeldi og bæta líðan með samtali og aðgerðum, þvert á kynslóðir og hópa.

Riddarar kærleikans hrundu Kærleiksherferð af stað þann 11. júní til söfnunar fyrir Bryndísarhlíð, sem verður úrræði fyrir börn og unglinga sem eru þolendur ofbeldis.